Némethy Géza (szerk.): P. Ovidii Nasonis Amores (1907)
Praefatio
PRiEFATIO. Gum post Lemarii editionem Lutetiae Parisiorum a. MDCCCXX. publici iuris factam nemo huc usque inventus esset, qui Ovidii Amores novo commentario exegetico viris doctis destinato ornaret, suscepi hunc laborem mihi sane iucundissimum, omnibus, qui Ovidio aliqua ex parte operam navare volunt, praecipueque iuventuti antiquitatis studiosae gratum me facturum putans.* Sed, ne quis plura in libro meo quaerat, quam quae praestare potui et volui, lectores hoc loco admoneo in adnotationibus conficiendis duo tantum mihi fuisse proposita: primum, ut elegias Ovidii brevi interpretatione, quae dicitur, verbali instruerem, deinde, ut accuratissime, quid poeta magistris suis, inprimis Propertio et Tibullo, praeterea Horatio, Catullo et Lygdamo deberet, exponerem. Quod enim ad Lygdamum inter auctores Ovidii attinet, necessitudinem, quae inter eum et Ovidium intercedit, diligentius, quam antea factum est, definivi in editione Lygdami, ubi satis luculenter demonstravi Ovidium fuisse imitatorem et in omnibus fere libris eius apparere Lygdami vestigia. Praeterea mox totam hanc quaestionem peculiari tractabimus libello. * Eodem consilio edidi sumptibus Academiae Litterarum Hu garicae Tibullum una cum Sulpicia (Budapestini, a MCMV.) et Lygdamum una cum Panegyrico Messallae (ibidem, a. MCMYI.) commentario exegetico instructos.