Szabó Benő: A Szepesi szászok (Győr, 1886)
dragesimae quadringentas marcas, in octauis festi beati Ioannis Baptistae similiter quadringentas marcas, in octauis Sancti Martini pari modo Quadringentas fini argenti, pondere cum regali; debentes in praescriptis terminis ad se destinatos gratanter recipere collectores, et infra collectionem lautius pertractare, in certo numero quatuor personarum, et quinque equorum, iuxta morem et consuetudinem hactenus approbatam. Volentes, quod iidem Saxones nostri, soluto terragio, certis temporibus, vt est praemissum, ab aliis omnibus exactionibus et collectis, dicis et victualibus, quae pro nobis in regno nostro exigi contigerit, liberi sint penitus et exempti, maxime cum propter talem exemptionem a trecentis marcis, quas quondam annuatim soluere consueuerunt, ad summam et numerum mille et ducentarum marcarum deuenerint. Praenotatum volumus etiam, quod ab omni exercituatione, quam a nobis induci acciderit, in quacunque parte regni nostri, absoluti sint, et excepti, et ad illam venire nullatenus teneantur, nisi infra metas et limites prouinciae Scepusiensis, si exegerit exercere militiam temporis necessitas impacati; tunc ad defensionem patriae uniri pro viribus tenebuntur. Postremo adiungimus, quod per nullius conditionis hominem ad iudiciariam praesentiam possint extra prouinciam, in quocunque casu, euocari vel citari; sed Comes et Castellanus, authoritate regia, pro tempore constitutus, vel per Vice-Comitem suum, vna cum Comite ipsorum Saxonum Prouinciali, causas ad se attinentes singulas discutiet et iudicabit in Leutschae ciuitate nostrae prouinciae capitali, iuxta ius et consuetudines ac libertates eiusdem prouinciae habitas ab antiquo; ita, quod de poenis, mulctis et byrsagiis a iudiciis majoribus deriuatis, idem Comes pro tempore constitutus, duos recipiat denarios, tertio denario Comiti Prouinciae, et ipsis Saxonibus remanente. Volumus insuper, quod nullus Comitum, pro tempore constitutorum, ipsos Saxones contra libertates eiusdem concessas tam in iudiciis, quam aliis casibus molestare vel aggrauare in aliquo audeat, vel praesumat. Ne autem, circa possessiones et haereditates ad nostros fideles Saxones pertinentes, et de eorum numero recensitis, in quibus ipsos volumus iugibus temporibus indemniter conseruare, surgat aliqua ambiguitas, vel emergat, ad maioris certi-