Eugenius Abel: Scholia in pindari epicia - Editiones criticae scriptorum Graecorum et Romanorum 1. (Berlin, 1884)
Praefatio
/VI. ACADEMIÄT\ V&ÖtNYVTÁllA.J PRAEFATIO. Scholiorum veterum ad Pindari Nemea et Isthmia nunc primum ad librorum manuscriptorum fidem recensitorum pauci tantum codices extant hi, de quibus prae ceteris vide Tychonem Mommsenum in maiore Pindari editione quae anno MDCCCLXIV Berolini prodiit. B: cod. Vaticanus nr. 1312, saec. XII exeuntis, olim Fulvii Ursini. Huius libri aprographum est B: cod. Monacensis, olim Augustanus, nr. 492, saec. XVI, qui fol. 44 a — 49 b hypothesim Isthmiorum et scholia ad Isthm. I II 1 — 9, tum fol. 50 a—53 b eadem ut videtur manu alio tamen atramento scriptus Nemeorum hypothesim et scholia ad Nem. I 1 — 34 complectitur. Quae omnia ad certiores nos de B codicis scriptura nonnunquam evanida reddendos nonnihil prosunt. D: cod. Laurentianus plut. 32, cod. 52, saec. XIV in., qui solus praeter B integra scholia continet. Accuratissime descriptus est hic codex apud Mommsenum in Parergis Pindaricis p. 4. 5, unde haec nunc afferre iuvat: »Tres librarii in his carminibus describendis operam posuerunt, quorum primus Olympia et Pythia cum scholiis, alteri duo reliquam partem exaraverunt ea lege ut aliquando tertius vicem secundi expleret. Quare, a tertia manu profecta est scho-Scholia Pindar, ed. Abel. 1